Raahein Kabhi Bhatakti Nahi, Hum Bhatak Jaate Hain,
Khuda Ko Bewajah Kos Kar, Ruth Hum Jaate Hain...
Wo To Har Samay Humein Sambhalte Hain,
Na Jaane Kyu, Fir Bhi, Hum Dagmaga Jaate Hain..
Roz Hota Hai Iss Dil Mein Shor, Roz Hoti Hai Iss Dil Mein Khamoshi,
Thak Jaate Hain Hum Magar, Har Pal Rehti Hai Ye Behoshi!
Badi Shiddat Se Aaj Likhne Chale Hum, Iss Dil Ki Kahani,
Shabd Chup Ho Gaye Aur, Chalke Aankhon Ki Zabaani…
Na Jaane Kyu Hum Inse Kheeche Chale Jaate Hain,
Rote Hain Khud Aur Aansu Hume Manaate Hain..
Khuda Ko Bewajah Kos Kar, Ruth Hum Jaate Hain.
Raahein Kabhi Bhatakti Nahi, Bhatak Hum Jaate Hain…
