Tuesday, September 18, 2012

smile,,, :)


:)


Aao thodi khushi samet le, Zindagi se hasi samet le,

Kisne dekha hai kal yahan, Kyu na iss pal hi ji le!

Sab kuch to hai vyarth yahan, chal, thoda has le,

Zindagi se khushiyaan samet le, chal, thoda has le!!!

Kisne dekha hai kal yahan, kyu na iss pal hi ji le!!!

Friday, August 31, 2012

long tym.. m back :)

Meri khidki par chand ki roshni ka ujaala tha,
Jeevan mein jaise tere naam ka savera aya tha,
Teri yaad mein na jaane kab raat beet gayi,
Beete palon ko fir khilte hue jo paya tha...!!!

Kehte hain, guzre hue kal ki yaad na kije, beet gaya so beet gaya...
Par, kya wo sachme, beet jaata hai? Ya humein jeena sikha jaata hai!!!
Bade dino baad likhne ka mauka mila... Haan, jeevan badalta hai.. Hum to wahi rehte hain par!

Kyu badal jaati hai zindagi yu k,
 sawaalon k jawab na mile?
Kyu doob jaate hain pal k,
 beete lamhe na mile?
Kyu door ho jaate hain kuch log?
Aur phir se kyu milte hain kuch log?
Sochu tab lagta hai, nadaani hai ye,
Kyu is “kyu” ko jawab mile?
Kyu is khamoshi ko awaaz mile?
Isi ka naam zindagi hai agar,
To kyu na thodi rahat mile!!!
Kyu ise jawab mile,
Kyu is khamoshi ko awaaz mile,
Kyu humein na thodi rahat mile!!!